Opið bréf til kjósenda, frambjóðendur og allra hinna

Ég hef alla tíð haft mjög gaman af pólitík, ég hef tekið þátt í starfi Frjálslynda flokksins sem var og hét, því næst tók ég sæti á lista framsóknar og stuðningsmanna fyrir síðustu sveitastjórnakosningar, eftir síðustu alþingis kosningar þá skráði ég mig í Bjarta Framtíð og er útgefin stuðningsmaður þess framboðs.

Hins vegar, þá sit ég nú á lista 3. Framboðsins sem býður fram sem óháður listi til sveitastjórnakosninga á Höfn í Hornafirði. Þrátt fyrir það að vera óháður listi, þá er hann alls alls ekki ópólitískur...á þessum lista situr fólk sem er útgefið vinstra fólk, samfylkinga, pírata, framsóknar og sjálfstæðis, við höfum rassa efir endilöngum ásnum sem við þekkum öll svo vel, þessi ás á ekki við þegar kemur að umhirðu og umhyggju sveitarfélagsins okkar!

Ég tel mig vera á réttum stað, þar sem ég hef ávalt talað fyrir því að hér eigi að vera persónukjör, allir ættu að vera kjörgengir og hver og einn gæti háttað sinni kosningabaráttu eftir eigin höfði, þannig held ég að við myndum gera best fyrir sveitarfélagið okkar....en þetta eigum við aldrei eftir að sjá, og þýðir lítið að hugsa um það, við erum kannski of stórt sveitarfélag til þess að þessi útfærsla virki og umfang í sambandi við nefndarstörf yrðu of flókin. 

Ég sit því á eina listanum sem er ekki hlekkjaður við hærra afl, sem þarf að vinna eftir hugmyndafræði stjórnmálaafls - og í því felst ákveðið frelsi....

Ég hef sagt við mann og annan að ég sé mjög sáttur við öll framboð, mér finnst öll framboð bjóða lista sem samanstendur af fólki sem ég treysti til að taka ákvarðanir sem snerta mig og mitt nærsamfélag- Ég ber mikla virðingu fyrir mönnum á borð við Björn Inga, Pál Róbert og Óðinn Eymundsson, Lovísu þekki ég mjög lítið til en miða við skrif hennar og reynslu hef ég enga ástæðu til að efast um hennar getu.

Ég kynnist framsóknar fólkinu fyrir síðustu kosningar þegar ég sat þar á lista og vann með þeim, þarna eru öflugir einstaklingar sem vinna vel og vinna hratt og hafa farið með hreinan meirihluta s.l. 4 ár og þar á undan í meirihlutastarfi með samfylkingu...ég hef alltaf gortað mig á því að búa í best rekna sveitarfélagi landsins, og ég verð að gefa framsókn það lof sem það á skilið.

Hinsvegar, þá er nauðsynlegt að umræða fari fram, að málefni íbúa sveitarfélagsins séu rædd frá öllum sjónahornum og að ákveðið samtak á sér stað svo að á endanum sé besta ákvörðun tekin. Úrslit síðustu kosninga voru vissulega glæsilegur sigur, og var augljóslega sterk tenging kjósenda til frambjóðenda. En það skiptir ekki máli hver á í hlut....þeir sem hafa valdið þurfa alltaf að vera tilbúnir til að hlusta á raddir þeirra sem ósammála eru, og með hreinum meirihluta missum við ákveðna samræður sem annars færu fram ef meirihluti væri skipaður 2 framboðum eða fleirum.

Ég meina þessa færslu ekki sem gagnrýni á núverandi meirihluta, ég er ennþá stoltur af því starfi sem VIÐ unnum í aðdraganda síðustu kosninga og finnst mér sveitarfélagið mitt enn standa sterkt og hér hafi farið fram vinna sem fáir geta gagnrýnt.

Ég hinsvegar er að benda kjósendum á, að fjölbreytni í ákvarðanatöku er af hinu góða, og með einstaklingsframboði gæti vel verið að sama fólk sæti bæjarstjórn, en umræðunni væri hinsvegar háttað allt öðruvísi.

Við erum að fara kjósa flokka, ekki fólk, og því hvet ég kjósendur til þess að kynna sér málefni framboðanna.

Öll viljum við sveitarfélaginu okkar það besta sem einstaklingar og þá liggur lausnin kannski ekki hjá einum flokk eða einu framboði, hún liggur í samvinnu fólksins sem mynda þessa lista.